Administración Autonómica
Xunta de Galicia
consellería de emprego e igualdade Xefatura Territorial da Coruña
Servizo de Emprego e Economía Social
Logo de constituirse a comisión negociadora do convenio colectivo sectorial de “carpintaría e ebanistaría” da provincia da Coruña (código de convenio número 15000805011982 e publicado no BOP núm. 239 o 19 de decembo de 2017), subscríbese con data 03 de decembro de 2021 o calendario laboral do ano 2022 polas partes lexitimadas e solicítase a súa inscrición e publicación con data 17 de decembro de 2021.
De acordo co disposto no artigo 90 e concordantes do Real Decreto Lexislativo 2/2015, do 23 de outubro, polo que se aproba o texto refundido da Lei do estatuto dos traballadores (BOE núm. 255, do 24 de outubro de 2015) e no artigo 2.1 e concordantes do Real Decreto 713/2010, do 28 de maio, sobre rexistro e depósito de convenios e acordos colectivos de traballo (BOE núm. 143, do 12 de xuño de 2012), así coma na Orde do 29 de outubro de 2010 pola que se crea o rexistro de convenios e acordos colectivos de traballo na Comunidade Autónoma de Galicia (DOG núm. 222, do 18 de novembro) modificada pola Orde do 14 de marzo (DOG núm. 60, do 26 de marzo de 2013).
Considerando que a Xefatura Territorial da Consellería de Emprego e Igualdade da Coruña é competente para resolver a inscrición do calendario laboral do ano 2022 do convenio colectivo sectorial de “Carpintaría e Ebanistaría” da provincia da Coruña e para dispoñer a súa publicación ao abeiro do disposto nos artigos 28 e 62.2 do Decreto 215/2020, do 3 de decembro, polo que se establece a estrutura orgánica da Consellería de Emprego e Igualdade (DOG núm. 253, do 17 de decembro de 2020).
De acordo con todo o indicado, RESOLVO:
- A inscrición do calendario laboral do ano 2022 do convenio colectivo sectorial de “carpintaría e ebanistaría” da provincia da Coruña no rexistro de convenios e acordos colectivos de traballo da Comunidade Autónoma de Galicia.
- A remisión do calendario laboral do ano 2022 do convenio colectivo sectorial de “carpintaría e ebanistaría” da provincia da Coruña ao Boletín Oficial da Provincia da Coruña para a súa publicación.
A Coruña, 18 de marzo de 2022.
A xefa territorial da Consellería de Emprego e Igualdade
Judit Fontela Baro
